U nostru logò

Quandu avemu criatu Corse Incentive in u 2008, avemu ricercatu un simbulu forte di a nostra isula, qualcosa d’universale, d’umanu, di sputicu, di sodu, arradicatu ind’è a storia di a Corsica è di i Corsi. Un segnu identitariu, chì invita à u scontru di l’altru, chì u sgardu si porta versu u mondu, testimone di a nostra storia è di a Storia di l’umanità sana.

A nostra scelta hè andata naturalmente versu sta stantara di Filitosa, sta petra arritta integrata à u nostru logò, pruprietà di a famiglia Cesari è scuperta in u 1946 da Charles-Antoine Cesari, u babbu di Filitosa.

Ste ripresentazioni, vistighe di l’origine di u populamentu in Corsica, sculpite millenarii fà in u granitu, stanu misteriose. Venerianu di petre arritte vechje di più di 4000 anni è serianu state travagliate in stantare versu -1200 nanz’à a Cristu.

Ghjè cù l’autorizazione di Charles-Antoine CESARI chì no’pudimu utiliza la è ghjè in Corsica, à u nordu di Prupià, in a cumuna di Suddacarò chì pudemu visità u magnificu Situ prestoricu di Filitosa. Una stazione classificata Munumentu Storicu di purtata internaziunale.

Situ :
http://www.filitosa.fr/

Facebook :
https://www.facebook.com/SitePrehistoriqueDeFilitosa